Aneuk Djampook
Deungoe lón kisah chabaran zameun
Masa keradjèun Saidil Ambia
Masa keradjèun Nabi Sulaiman
Jang mat hukuman ban sigom donja
Nibak siuroe nabi djak meuin
Deungon angen sadjan seureuta
Nabi neuduek ateuh kerusi
Angén bapoot lé ban siklep mata
Oh ban saré troh bak saboh teumpat
Neupijóh siat neugantoe radja
Nabi tanjong nibak dum tjitjem
Toh siri katem lon boh keu radja
Seu-ot djampok tuanku ampon
Njoepat aneuk lón neubóh keu radja
Sabab aneuk lón rupa ceudah that
Lagi ngon hibat lé bulé mata
Mata bulat babah meukawet
Tjit got that sabet menjoë djih radja
Nabi Sulaiman teuseungéh teu khem
Dum tjitjem laën djikhem meubura
Malé geuthat-that di tgk. djampok
Teuduek-duek teuseupók meublek-blek mata
Djampok ka malé teutap dji-iem droë
Sampo ëan jinoë sabé djipeukra
Baca juga: Lagu Aceh Jameun: ‘Wajeb Turi Droë’
Teuma teuka burudjuek balé
Han kutem diké djampók keu radja
Teuma lom teuka poé tjitjem müróng
Djigróp-róp lambong djicoh lam mata
Teuma lom meusu poé tjitjem tiong
Han ako dilón meudjih keu radja
Seudang beuragoe jang leubeh tari
Kupiah hadji ngon tupi wadja
Teuma djimeusu tjitjem keutók-tók
Meuhandjeut djampok bah lon keu radja
Karena bak lón lé that piasan
Lón péh canang prang oh malam djula
Teuma seuót cicem radja ngang
Djaroë didjulang ateuh djeumala
Ampon Tüanku meuribé ampon
Galak that dilón gopnjan keu radja
Kareuna gopnjan lé that mainan
Geupeh tjanang prang oh malam djula
Geureuduk tampi jang péh tjanang prang
Tadeungo kiam ban saboh dónja
Teuma djimeusu tók-tók beuragoë
Hana meusoè-soè taboh keu radja
Sedangkan dilón kupiah beusoe
Hana si uroë lakè keu radja
Teuma djidaméi oleh keulidi
Si radjawali tabóh keu radja
Tok-tok beuragoe tabóh keu waki
Tabóh keurani poë tjitjem pala
Lheuek bangguna tabóh bupati
Si mirahpati djeut keu weedana
Kleung puteh ulee djeuet keu peulisi
Keupala nanggri aneuek ngang dama
Tabóh keu hakim tjitjem paikoé
Po aneuk tuló hakim agama
Keu penerangan po tjitjem subang
Aneuk tjakeuk blang kepala tentera
Tjitjem peureuleng ke keutjik gampong
Tjitjem seumantong keu ureung runda
Po teuteut pangeu djeut ke peubantu
Tjitjem mirahrueng guru sikula
Kisah poe djampok loen pijoh siat
Djinoe lón sambat keu tjitjem paja
Tjitjem beuruak djeut keu mak bidan
Seubab digopnjan geukuwaa-kuwa.
[]Sumber: Lagu-Lagu dari Orkes Djeumpa Atjeh Djilid I Tjetakan II. Diterbitkan oleh H. Razali Djuned, Pegawai Kantor Urusan Agama Kotamadya Banda Atjeh. Ditjetak oleh Pertjetakan Negara, Banda Atjeh, 1967. Dikutip Line1.News dari laman Koleksi Digital Universiteit Leiden.
Komentar
Tanggapilah dengan bijak dan bertanggung jawab. Setiap tanggapan komentar di luar tanggung jawab redaksi. Privacy Policy